рус / eng / kaz    
     


Ерікті ұлттық шолу

ҚАЗАҚСТАН РЕСПУБЛИКАСЫНЫҢ ПРЕМЬЕР-МИНИСТРІ А.Ұ.МАМИННІҢ КІРІСПЕ СӨЗІ



Сіздердің назарларыңызға Қазақстан Республикасының Орнықты Даму Мақсаттарына қол жеткізу бойынша алғашқы Ерікті Ұлттық шолуды ұсынамыз.

Қазақстан үшін алғашқы шолуды ұсыну – бұл елдің орнықты даму мақсаттарын іске асыруда прогресін байқату, негізгі талаптарды айқындау, сыртқы бағалау алу, сондай-ақ басқа елдердің тәжірибесімен танысу. 
Қазақстан үш онжылдықта үлкен әлеуметтік-экономикалық серпіліс жасады – үшінші жаңғырту толқынына түсті, бәсекеге қабілетті 50 елдің қатарына кірді.

Нәтижесінде Қазақстанда жан басына шаққандағы ЖІӨ 10 мың АҚШ долларына дейін өсті. 2018 жылғы Адами даму туралы баяндамада Қазақстан әлемнің 189 елі арасында 58-орынға ие болды және адами даму деңгейі ең жоғары елдердің тобына кірді. Қазақстанның 15 және одан жоғары жастағы азаматтардың 99,8%-ы білім деңгейі жоғары халықтың қатарына жатады.

Сонымен бірге, қалалар мен ауылдық жерлерде кедейшілік деңгейлерінде алшақтық байқалады. Ауылдық өңірлерде кедейшілік деңгейі қалалардағы кедейшілік деңгейінен 2,7 есе асады.

Біздің Үкімет мұндай алшақтықты жою мақсатын айқындады. Осылайша, ауылдық өңірлерді дамытуға бағытталған жоба іске қосылды. Бағалау бойынша ол инфрақұрылымды жақсарту және білім беру мен денсаулық сақтауды қоса алғанда, әлеуметтік қызметтермен қамту арқылы біздің азаматтардың тұрмыс сапасын арттыруға мүмкіндік береді..

Қазақстанда кәсіпкерлік үшін қалыпты жағдай жасалады. Соңғы 10 жылда біз Дүниежүзілік Банктің Doing Business рейтингінде төрт рет басты реформатор болып тағайындалдық. Дүниежүзілік Банктің аталған рейтингіне сәйкес Қазақстан 2018 жылы бизнесті жүргізу жеңілдігі бойынша 190 елдің арасында 28-орынға ие болды.

Біз адами капиталдың дамуына ерекше назар аударамыз. Халық денсаулығы мен білімінде инвестициялауды ЖІӨ-ден 10%-ға дейін жеткізу – алдағы бес жылға арналған басым міндет.
2030 күн тәртібі көп жағдайда «Қазақстан-2050» даму стратегиясының және Стратегиялық жоспар 2025-тың бысымдықтарымен сәйкес келеді. Орнықты Даму Мақсаттары міндеттерінің 79,9%-ы мемлекеттік жоспарлау жүйесінің стратегиялық және бағдарламалық құжаттарында көрініс тапты. Бұл біздi түпкіліті мақсатқа жақындататын жақсы прогресс

Біз климаттың өзгеруімен күрес жүргізу бойынша халықаралық күн тәртібін қолдаймыз. Қазақстан БҰҰ-ның климаттың өзгеруі туралы Негіздемелік конвенциясын 1995 жылы, Киото хаттамасын 2009 жылы, Париж келісімін 2016 жылы бекітті. Инфрақұрылымның инвестициялық жобалардың негізін құрауы шамасына қарай біз технологиялық шешімдерді дамыту, «жасыл» инвестициялар үшін мүмкіндіктер жасау және оларды Қазақстанда да, Орталық Азияның басқа елдерінде де іске асыру мақсатын айқындаймыз.

Біз елдегі экологиялық жағдайды жақсарту үшін жұмыс жасауымыз қажет. Парниктік газдар тастанымдары көлемінің, шөлейттенудің, ауыл шаруашылығы жерлерінің эрозияға ұшырауының өсуі сияқты сын-қатерлер бар. Үкімет аталған мәселелерді шешуге бағытталған стратегиялық және бағдарламалық құжаттар шеңберінде шаралар қабылдайды.
Энергетикалық секторды жақсарту үшін біз жаңғыртылатын энергия секторын кеңейтумен, энергия шығындарын азайтумен, сондай-ақ орташа әлемдік көрсеткіштерден 2 есе асатын Қазақстанның ЖІӨ энергия сыйымдылығын азайтумен жұмыс жасаймыз.

Қазақстан халықаралық дауларды бейбіт жолмен реттеуді ұстанды, сондай-ақ жаппай жою қаруының таратылмауының қағидаттарын таратты. Қазақстанды БҰҰ Қауіпсіздік кеңесінің тұрақты емес мүшелері ретінде тағайындау тарихи жетістікке айналды. Қазақстан БҰҰ жүйесінде жалпы өңірдің мүдделерін ескеретін Орталық Азияның алғашқы елі болды.
Қазақстан айтарлықтай прогреске қол жеткізген тағы бір сала тендерлік теңдік және бизнес пен қоғамда әйелдерді қолдау болып табылады.

Қол жеткізілген жақсы нәтижелерге қарамастан, біз жаңа мақсаттарды белгіледік. Оларды орындау мүмкіндігі елдің ауқымды аумағымен және халық санының аз тығыздығымен күрделендіріледі.

Маңызды міндеттердің қатарында – миллиондаған адамдардың дәстүрлі тұрмыс қалпын өзгертетін цифрландыру. Бүгінде Қазақстанда білім беру саласының барлық деңгейлері цифрландырумен қамтылған. Өнеркәсіптік және агроөнеркәсіптік кешенді цифрландыру процесі іске қосылды, олар алғашқы нәтижелер көрсетіп отыр.

Экономиканы әртараптандыру шаралары елдің инклюзивтік және тұрақты өсуге ауысуын жылдамдатады. Өндірістік қуаттар жақсартылады, оңтайлы тұтынудың инновациялық тәсілдері енгізіледі және қалдықтарды қайта өңдеу саласында жаңа шаралар қабылданады.
2030 күн тәртібі тұрақты даму және оған практикада қол жеткізу туралы нақты түсінік берді.
Аталған шолу Қазақстанда барлық стейкхолдерлердің бірлескен күшінің нәтижесі болып табылады.

Қорытындылай келе, ЕҰШ бойынша жұмыстың форумнан кейін де жалғасатынын атап кеткен жөн. Біз Қазақстанда ОДМ толық оқшаулануы «ешкімді шетте қалдырмау» негізгі қағидатының толық іске асырылуын қамтамасыз ететініне сенімдіміз, бұл нәтижесінде біздің азаматтардың тұрмыс сапасына лң ықпал етеді.

Қазақстан Республикасының Премьер-Министрі
А.Ұ.Мамин








Қарау саны: 668
Сақталған: 20.07.2020




Таратылымға жазылу

Сайттың саясаты
Сайт материалдарымен жұмыс жасаған кезде дереккөзге міндетті түрде гиперсілтеме жасай отырып, мәтінді пайдалануға рұқсат беріледі. Сайттың редакциясы мақалалар авторларының пікірімен әрқашан келісе бермейді.


     



©2020 Барлық құқықтар сақталған.




... күте тұрыңыз

Хорошая погода, не так ли?

Таратылымға жазылу


Операция сәтті аяқталды.



ҚАТЕ!