Ірі өнеркәсіптік компаниялардың ҚР әлеуметтік және инфрақұрылымдық жобаларына салған инвестициялары 2019 жылы 140 миллиардтан асты.

Өнеркәсіптік компаниялар, ең алдымен жер қойнауын пайдаланушылар өздерінің келісімшарттық міндеттемелері шеңберінде елдің әлеуметтік және экологиялық міндеттерін шешуге қатысады.

Мысалы, ERG компаниясы 2019 жылы футбол манежінің құрылысын қаржыландырды (3,1 млн АҚШ долл.), Түркістандағы Күлтөбе қалашығында археологиялық және ғылыми-қалпына келтіру жұмыстарын жүргізді (2,5 млн. АҚШ доллары). Аталған жобалар қабылданған үш жылдық Өңірлерді дамытудың бағдарламасы аясында жүзеге асырылуда. Әлеуметтік даму міндеттерінен басқа, алдағы 10 жылда ЕО елдерінде қабылданған нормативтік мәндерге дейін шығарындыларды азайту үшін компанияның электр станцияларындағы қатты бөлшектердің шығарындыларын азайту технологиясына шамамен 350 млн. АҚШ долларын инвестициялау жоспарлануда.
 
Қазіргі уақытта Қазақстан Экономикалық ынтымақтастық және даму ұйымы (ЭЫДҰ) елдерінің құқықтық құралдарын, озық тәжірибелері мен стандарттарын қабылдай отырып, реформаларды іске асыруда.