Елорданың әлеуметтік саласын қаржыландыруға қосымша 7,1 млрд теңге бөлінеді, деп хабарлады Нұр-Сұлтан қаласының Экономика және бюджеттік жоспарлау басқармасының басшысы Қайсар Манқараев.

Әлеуметтік салаға жұмсалатын шығындар 194 млрд теңгені немесе Нұр-Сұлтан қаласы бюджетінің 33% - ын құрайды. Қосымша қаржыландырудың жалпы сомасы 39 млрд 550 млн теңгені құрайды.

«Білім басқармасы жаңартылған білім беру мазмұны жағдайында жұмыс істегені үшін, мектепке дейінгі білім беру ұйымдарына мемлекеттік білім беру тапсырысын орналастырғаны үшін мұғалімдерге қосымша ақы төлеуге, сондай — ақ кезекші және аралас сыныптар мұғалімдерінің еңбекақысын төлеуге қаражат көздеп отыр», — деп атап өтті Қайсар Манқараев.