2021 жылғы 20 мамырдағы жағдай бойынша БЖЗҚ салымшылардың (алушылардың) тұрғын үй жағдайларын жақсарту үшін зейнетақы жинақтарын пайдалануға 280 709 өтінішін орындады, деп хабарлайды қордың сайты.

Қазақстандықтардың уәкілетті оператор-банктерде ашылған арнайы шоттарына БЖЗҚ 1,3 трлн теңгеден астам қаржы аударды.

Бір жолғы зейнетақы төлемдерінің орташа сомасы 4,7 млн теңгеден асты.

Ең көп орындалған өтініштер Маңғыстау облысының (16,9%), Алматы қаласының (16,5%), Нұр-Сұлтан қаласының (13,1%) тұрғындарымен жолданды.