Қазақстандық депозиттерді кепілдендіру қоры 2020 жылдың қыркүйегіне теңгедегі депозиттер бойынша барынша ұсынылатын ставкаларды бекітетіні туралы хабарлайды.
 
24 айға арналған шұғыл депозиттер бойынша ставкаларды қоспағанда, теңгедегі депозиттердің барлық түрлері бойынша ставкалар тамыз айының деңгейінде қалды.
 
Нәтижесінде қыркүйекте шұғыл емес депозиттер бойынша ең жоғары ставка жылдық 9%-ды құрайды, ол экономикада ақша құнының негізгі бағдары болып табылатын ҚРҰБ базалық ставкасына сәйкес келеді.
 
3 және 6 айға арналған толтыру құқығымен ставкалар да 9,0%-ды, толтыру құқығынсыз ставкалар 9,5%-ды құрайды. Ұқсас мерзімге арналған жинақтаушы депозиттер бойынша ставкалар толтыру құқығымен 10,0%-ды және толтыру құқығынсыз 10,5%-ды құрайды.