Ағымдағы жылдың 19 тамызында Қазақстан бойынша жалпы көлемі 819 мың тонна түрлі азық-түлік тауарларының қоры бар, деп хабарлайды ҚР Ауыл шаруашылығы министрлігінің баспасөз қызметі.

"Оның ішінде өндіруші кәсіпорындарда-301 мың тонна, қоймаларда — 86,6 мың тонна, сауда желілерінде – 374 мың тонна, тұрақтандыру қорларында – 18,3 мың тонна және 495,7 млн дана жұмыртқабар", – делінген хабарламада.

ҚР Ауыл шаруашылығы министрлігі апта сайын 32 негізгі азық-түлік тауарлары бойынша өңірлердің қамтамасыз етілуіне мониторинг жүргізетіні атап өтілген. Мониторинг тұрақтандыру қорларындағы, ірі сауда желілеріндегі, жеткізушілер мен қайта өңдеу кәсіпорындарының қоймаларындағы қорларды ескереді.