Қазақстан мен ШЫҰ елдері арасындағы тауар айналымы ағымдағы жылдың 7 айында 26,8 млрд долларды құрады, бұл өткен жылдың сәйкес кезеңіндегі көрсеткіштен 14,2%-ға жоғары, деп хабарлады ҚР Ұлттық экономика министрлігінің төрағалығымен өткен Шанхай Ынтымақтастық Ұйымының сыртқы экономикалық және сыртқы сауда қызметіне жауапты министрлерінің кеңесінде ведомствоның вице-министрі Әлібек Қуантыров.

Ол сондай-ақ ШЫҰ мүше мемлекеттердің министрліктері арасындағы микро, шағын және орта кәсіпкерлік саласындағы ШЫҰ шеңберіндегі ынтымақтастықты ынталандыру жөніндегі өзара түсіністік туралы Меморандумды іске асыру үшін іс-қимыл жоспарын белсенді орындауға шақырды.