Мемлекет басшысының Қазақстан халқына "Халық бірлігі және жүйелі реформалар – ел өркендеуінің берік негізі" атты 2021 жылғы 1 қыркүйектегі Жолдауында айтылған тапсырманы орындау мақсатында ағымдағы жылғы 1 қаңтардан бастап азаматтық қызметшілердің жекелеген санаттарының жалақысы 2022-2025 жылдар аралығында орта есеппен 20%-ға бірте-бірте арттыру басталады деп хабарлайды Еңбек және халықты әлеуметтік қорғау министрлігінің баспасөз-қызметі.

Жалақыны көтеру бухгалтерлер, экономистер, заңгерлер, мұрағатшылар, кітапханашылар, музейтанушылар, орманшылар, техникалық персонал және басқалар сияқты мамандықтар бойынша жұмыс істейтін 591 мың азаматтық қызметшіге әсер етеді.