Ағымдағы жылдың сәуір айынан бастап зейнетақылар 4% - ға өсті және әлеуметтік төлемдер қосымша индекстелетін болады. Қаңтар айынан бастап зейнетақылар өткен жылдың көрсеткіштерімен салыстырғанда 11% - ға өсті, деп хабарлады ҚР Парламенті Сенатының төрағасы Мәулен Әшімбаев. 

"Біздің мемлекетіміз күрделі экономикалық жағдайға қарамастан, өзінің әлеуметтік міндеттемелерін толық орындайды. Биылғы бюджеттің жартысына жуығы әлеуметтік салаға жұмсалады. Бүгін қабылданған түзетулер нәтижесінде сәуір айынан бастап зейнетақылар мен әлеуметтік төлемдер қосымша 4% – ға индекстеледі", - деді Мәулен Әшімбаев палатаның жалпы отырысында.