рус / eng / kaz    
     


Институт туралы

Құрметті достар!

Экономикалық зерттеулер институты 1961 жылы құрылған, Қазақстан экономикасының кешенді даму мәселелерін зерттейтін мемлекеттік жетекші институт болып табылады.

Экономикалық зерттеулер институтының қызметі елдің экономикалық стратегиясының іске асырылу барысын ғылыми қамтамасыз етуге, экономиканың жағдайын талдауға және оның алдағы уақытқа даму болжамына, тұрақты экономикалық өсуге жәрдемдесуге, халықтың тұрмыс сапасы мен деңгейін арттыруға бағытталған.

Әлемдік экономика қарқынды өзгеріп жатыр және ел басшылығы экономиканың жаңа шындығына жылдам бейімделуі тиіс. Осыған байланысты, ағымдағы экономикалық жағдайға сапалы талдау жүргізетін ғылыми экономикалық зерттеулерде қажеттілік артады. Стратегиялық мемлекеттік шешім қабылдау және әлдеқайда тиімді экономикалық саясат жүргізу үшін ел үкіметі әлемдік экономиканы және Қазақстанның экономикалық жағдайын ғылыми талдауға негізделуі тиіс.

Сондықтан Экономикалық зерттеулер институты ең маңызды мемлекеттік бағдарламаларды және заң жобаларды әзірлеуге, елдегі экономикалық жағдайды бағалауға белсенді қатысады. Елдің стратегиялық және бағдарламалық құжаттарын мониторингтеу мен тексеруге, сондай-ақ заманауи экономикалық-математикалық модельдерді пайдалану негізінде экономика саласындағы қолданбалы ғылыми зерттеулерге ерекше назар аударылады.

Біз ғылыми ортада (республикада да, шетелде де), мемлекеттік органдарда және кәсіпкерлік құрылымдарда ауқымды серіктестер желісіне ие болып отырмыз. Біз бірлескен зерттеулер, семинарлар мен бірлескен қызмет арқылы біздің жаһандық әріптестікті де кеңейтеміз.

Экономикалық зерттеулер институты Қазақстан тап болатын ішкі және жаһандық мәселелерді шешуге қажетті отандық және шетел тәжірибесін жұмылдыру арқылы біліммен алмасуға арналған платформаны құруға бағытталған.

Сіздерге біздің жұмысымызға танытқан қызығушылығыңыз үшін алғысымызды білдіреміз және болашақта қолдауларыңызға сенеміз.

 
Институт қызметінің бағыттары

Болжамдау

Экономикалық зерттеулер институты соңғы 60 жылда жиналған ауқымды экономикалық болжам негізінде жоғары бағаланады. 
қысқа мерзімді болжамдар;
орта мерзімді болжамдар;
ұзақ мерзімді болжамдар;
ең жаңа ІТ-технологияларды пайдалана отырып, елде және әлемде болып жатқан экономикалық процестерді мониторингтеу және жедел әрекет ету шаралары бойынша ұсынымдар әзірлеу;
әлеуметтік-экономикалық болжамдау модельдерін әзірлеу

Стратегиялық әзірлемелер және зерттеулер

Экономикалық зерттеулер институты макроэкономика, қаржы, өнеркәсіп және басқару сияқты ауқымды салаларда зерттеу жүргізеді.

Біз бірқатар стратегиялық және бағдарламалық құжаттарды әзірлеу мен іске асыруға қатыстық, олардың арасында: 

 Қазақстанның әлемнің ең дамыған 30 мемлекетінің қатарына кіру жөніндегі тұжырымдамасы;

       Көрсетілетін қызметтер саласын дамытудың 2030 жылға дейінгі бағдарламасы;

5 институтционалдық реформалар шеңберіндегі «Ұлт жоспары»;

Қазақстан Республикасының 2025 жылға дейінгі Стратегиялық даму жоспары;

Ұлттық экспорттық стратегия;

Орнықты даму мақсаттарын іске асыру жөніндегі алғашқы Ерікті ұлттық шолу;

Қазақстанның бәсекеге қабілеттілігі бойынша Ұлттық баяндама жобасы;

Қазақстан Республикасының 2025 жылға дейінгі Ұлттық даму жоспарының жобасы.
 
Экономикалық зерттеулер институты халықаралық компаниялармен (Boston Consulting Group, McKinsey and Company) стратегиялық құжаттарды әзірлеуде бірлескен сараптама жүргізді. Бұл біздің сарапшыларымызға халықаралық мамандардан бірегей тәжірибе алуға мүмкіндік берді. 
 
2019 жылы Экономикалық зерттеулер институтытының сарапшылары БҰҰДБ тапсырысы бойынша «ТДМ ұлттық платформасын құрудағы серіктестік» атты зерттеу жүргізді. 

Мемлекеттік органдармен әзірленіп жатқан заң жобаларының әлеуметтік-экономикалық салдарларын бағалауға және ғылыми-экономикалық сараптама жүргізуге ерекше назар аударылады.

Өңірлердің дамуы

Экономикалық зерттеулер институты жергілікті атқарушы органдардың қызметін реттейтін нормаларды жетілдіруге белсенді қатысады. Осыған байланысты, өңірлердің дамуын зерттеу мәселелеріне, сондай-ақ тиісті аумақтарды дамыту бағдарламаларына ерекше назар аударылған.

Жұмыс нәтижелері бойынша мыналар әзірленді:

Елді аумақтық-кеңістікте дамытудың 2030 жылға дейінгі болжамды схемасы;

Өңірлерді дамытудың 2025 жылға дейінгі мемлекеттік бағдарламасы, оның ішінде, қалалар мен ауылдық елді мекендердің әрі қарай дамуы, нысаналы индикаторлар мен нәтижелер көрсеткіштері бойынша ұсынымдар; перспективалы ауылдық елді мекендер анықталды; 

Қостанай қаласының 2050 жылға дейінгі даму стратегиясы;

Атырау қаласының 2050 жылға дейінгі даму стратегиясы және оны іске асыру бойынша Жол картасы

Кәсіпкерлік ортаның дамуы

Экономикалық зерттеулер институты кәсіпкерлікті дамыту, ШОБ мемлекеттік қолдау, кәсіпкерлік қызметті мемлекеттік реттеуді жетілдіру, бизнестің шығасыларын азайту, Қазақстанның Дүниежүзілік Банктің «Doing Business» рейтингінде позицияларын жақсарту мәселелері бойынша 20-дан астам зерттеу жүргізілді.
Аталған жұмыс барысында:
Қазақстан Республикасының өңірлерінде бизнесті жүргізу жеңілдігі бойынша рейтинг, сондай-ақ тиісті әдістеме мен өңірлер мен қалалардың жіктемесі  әзірленді және енгізілді;

бизнесті жүргізу жеңілдігі бойынша өңірлер мен қалалар рейтингінің нәтижелері негізінде бизнесті жүргізу шарттарын жақсарту бойынша Жол карталары әзірленді;

мемлекеттік органдардың РӘТ жүргізу әдістемесі және тиісті қағидалар әзірленді

рұқсат беру рәсімдеріне (құжаттарына) және хабарламаларға түгендеу жүргізу әдістемесі әзірленді;

Қазақстанның «Doing Business» рейтингінде позицияларын жақсартуға бағытталған заңнамалық түзетулердің 8 топтамасы әзірленді ;

Дүниежүзілік Банктің «Doing Business» рейтингінің индикаторларын жақсарту бойынша 2019-2020 жылдарға арналған кешенді іс-шаралар жоспарлары әзірленді;

Қазақстан Республикасында Дүниежүзілік Банктің ''Doing Business” қосалқы ұлттық рейтингі енгізілді.

Халықаралық қызмет

Экономикалық зерттеулер институты (ERI) Еуразиялық экономикалық комиссиямен, Азия даму банкімен, БҰҰ Бағдарламасымен және т.б. зерттеу қызметінің түрлі бағыттары бойынша белсенді әрекет етеді.

2015 жылдан бастап Экономикалық зерттеулер институты Пенсильвания Университетінің (АҚШ) Ғылыми Орталықтар және Азаматтық Қоғам Бағдарламасымен (Think Tanks and Civil Society Program, TTCSP) жүргізілетін әлемнің «ғылыми» орталықтарының рейтингіне кіреді. 

ERI зерттеу қызметінің түрлі бағыттары бойынша белсенді ынтымақтастық жасайды және Еуразиялық экономикалық комиссиямен, Азия даму банкімен, Дүниежүзілік банкпен, Халықаралық валюта қорымен, БҰҰ-мен, БҰҰ Даму бағдарламасымен, Еуропалық Одақпен, РФ Қаржы министрлігінің Ғылыми-зерттеу қаржы институтымен, РФ Экономикалық даму министрлігінің Бүкілресейлік сыртқы сауда академиясымен, Біріккен Вена институтымен (БВИ, JVI) және басқалармен сараптамалық байланыстар орнатады.
 
2014 жылы ERI Азия Даму Банкі Басқарушылар кеңесінің «Жібек жолы: Азияны өзгермелі әлеммен байланыстыра отырып»атты 47-ші жыл сайынғы отырысының тең ұйымдастырушысы болды.
 
Бес жыл бойы ERI Астана экономикалық форумының негізгі ұйымдастырушыларының бірі болды (2015-2019 жж.).
 
2015 жылдан бастап ERI Пенсильвания Университетінің (АҚШ) Ой-талқы орталықтары мен Азаматтық қоғам бағдарламасы (Think tanks and Civil Society Program, TTCSP) өткізетін әлемнің «ой-талқы» орталықтарының рейтингісіне кіреді. 2021 жылы ERI Орталық Азия өңірінің 58 талдамалық орталығы арасында алтыншы орынға ие болды.
 
ERI Қазақстандағы IMD Халықаралық рейтингінің ресми серіктесі, сондай-ақ Тұрақты даму мақсаттары жөніндегі Хатшылық болып табылады.
 
ERI-ді ЭЫДҰ мәселелері бойынша өзара іс-қимыл жасауға жауапты ұйым ретінде анықталған. Бұдан басқа, Экономикалық зерттеулер институты Ұлттық байланыс орталығы Хатшылығының функцияларын жүзеге асырады. 

Баспа

2004 жылдан бастап тоқсан сайынғы «Journal of Economy and Finance» (бұрынғы «ЭФИ: Экономика. Қаржы. Зерттеулер») экономикалық журналы басып шығарылады, онда ғылыми мақалалар мен зерттеулер жарияланады.
 
2021 жылдан бастап шектеулі пайдалану үшін «National Economy» жаңа талдамалық электрондық журнал екі форматта – апта сайын («National Economy Monitor»), ай сайын («National Economy Report») шығарылады. Олар елдегі және шетелдегі өзекті экономикалық мәселелерге арналған.

Қарау саны: 1866
Сақталған: 30.03.2021




Таратылымға жазылу

Сайттың саясаты
Сайт материалдарымен жұмыс жасаған кезде дереккөзге міндетті түрде гиперсілтеме жасай отырып, мәтінді пайдалануға рұқсат беріледі. Сайттың редакциясы мақалалар авторларының пікірімен әрқашан келісе бермейді.


     



©2020 Барлық құқықтар сақталған.




... күте тұрыңыз

Хорошая погода, не так ли?

Таратылымға жазылу


Операция сәтті аяқталды.



ҚАТЕ!