Бейбіт атом мен ЖЭК құны

31.03.2022

Бейбіт атом мен ЖЭК құнын салыстырмалы талдау

Әлемдік тәжірибе көрсеткендей, АЭС-тың жаңа қуаттарын салуға жұмсалатын күрделі шығындар (overnight costs) Оңтүстік Кореяда орташа есеппен $2 157-ден Словакияда $6 920-ға дейін өзгеріп отырады. Қарыздарға қызмет көрсетуге арналған шығындарды (investment costs) есепке алу кезінде құны салыстырмалы түрде жоғары (1-кесте).

Өзбекстанда Жизақ облысында АЭС салуға жұмсалатын күрделі/инвестициялық шығындар орташа есеппен $4 583 (құны $11 млрд және қуаты 2,4 ГВт болғанда), Түркиядағы АЭС салуға жұмсалатын $4 167 (құны $20 млрд және қуаты 4,8 ГВт болғанда) құрайды.
 

Құрылыс құнына қолданылатын технология, еңбекке ақы төлеуге сараланған шығындар, ұқсас реакторлар құрылысының тәжірибесі, бірнеше бірлік салу есебінен ауқымды үнемдеу, жеңілдетілген лицензиялау және т.б. әсер етеді.


Қазақстандық ақпараттық кеңістікте жел, күн және су энергиясымен салыстырғанда атом энергиясының құнын салыстыру мәселесі жиі көтеріледі. Сонымен қатар, есептеулерде көбінесе БҚПК көрсеткіші ескерілмейді – белгіленген қуатты пайдалану коэффициенті, яғни, мәлімделген қуаттан энергияның қанша пайызы өндіріледі.

Әлем бойынша атом электр станцияларының БҚПК мәні — 79%, бұл Қазақстандағы су энергетиканың (59%), жел энергетикасының (24%), күн энергетикасының (16%) ұқсас көрсеткішінен айтарлықтай жоғары. Яғни, атом электр станциясының энергия өндіру тиімділігі жаңартылатын энергия көздеріне қарағанда әлдеқайда жоғары (PwC, 2021).

Осылайша, БҚПК-ға сүйене отырып, қуаты 1 ГВт атом электр станциясы өндіретін электр энергиясын өндіру үшін 1,3 ГВт су, 3,4 ГВт жел және 4,9 ГВт күн генерациясын салу қажет. Мұндай сәйкессіздік ЖЭК шығындарын едәуір арттырады.

Жел және күн электр станцияларын салу құны атом электр станцияларына қарағанда тиісінше 2,5 және 3,6 есе арзан (Халықаралық энергетика агенттігі, 2020). Алайда, БҚПК көрсеткішін ескере отырып, ЖЭК құрылысының құны $4 000 – $5 000 млн шегінде ауытқиды, ал атом электр станциясын салу құны — тек $3 606 млн (2-кесте).



Қарау саны: 3847
Сақталған: 16.04.2024






... күте тұрыңыз

Хорошая погода, не так ли?

Таратылымға жазылу


Операция сәтті аяқталды.



ҚАТЕ!