ШЫҰ Экономикалық талдау орталықтары консорциумының

22.06.2022

2022 жылғы 21 маусымда қытай тарапының төрағалығымен бейнеконференция форматында өткен ШЫҰ Экономикалық талдау орталықтары консорциумының сараптамалық отырысы өтті.

Іс-шараға "Экономикалық зерттеулер институты" АҚ (Қазақстан) қызметкерлерінен басқа Өңірлік сауда орталығының (Үндістан), Қырғызстанның Экономика және қаржы министрлігі жанындағы Экономикалық саясатты зерттеу институтының, ҚХР Коммерция министрлігінің Халықаралық сауда және экономикалық ынтымақтастық институтының, Пәкістанның Сауда және даму институтының (PITAD), Бүкілресейлік сыртқы сауда академиясының (БССА), Ресей Экономикалық даму министрлігі, Тәжікстан Ұлттық Ғылым академиясының Экономика және демография институты, Өзбекстан Президенті Әкімшілігі жанындағы Стратегиялық зерттеулер институтының өкілдері қатысты.

Отырыс аясында 2022 жылға арналған жұмыс жоспарына сәйкес "ШЫҰ шеңберіндегі экономикалық ынтымақтастық: сын-тегеуріндер мен перспективалар" тақырыбындағы баяндама жобасы талқыланды.

COVID-19 пандемиясынан кейін экономиканы дамытудың жаһандық және өңірлік макротенденцияларын бірлесіп талдау қорытындылары бойынша тараптар мынадай қорытындыларды бөліп көрсетеді:

- тең құқықты көпжақты халықаралық экономикалық тәртіпке қарсы санкциялық қысымның күшеюі;

- бұрын қалыптасқан өндірістік кооперация мен жеткізу тізбектерін бұзу;

- ұлттық валюталарда өзара есеп айырысудың қажеттілігін арттыру;

- азық-түлік және энергетикалық қауіпсіздік тәуекелдерінің өсуі;

- әртүрлі елдердің цифрлық дамуының үйлесімсіздігі;

- халық кедейлігінің өсу тәуекелінің артуы.

Түпкілікті қалыптастырылған баяндама ағымдағы жылдың қыркүйегінде Самарқанд қаласында (Өзбекстан) өтетін ШЫҰ Мемлекет басшылары кеңесінің консорциумның жыл сайынғы вебинары барысында ұсынылатын болады.


Анықтамалық: ШЫҰ Консорциумы ШЫҰ шеңберінде экономикалық өзара іс-қимылдың басым бағыттары бойынша талдау жүргізу және ұсынымдар әзірлеу үшін құрылған консультациялық-сараптама алаңы болып табылады. ШЫҰ-ға мүше мемлекеттердің үкімет басшылары (Премьер-Министрлері) кеңесінің 2019 жылғы 2 қарашадағы № "120" шешімімен ШЫҰ Экономикалық талдау орталықтары консорциумының регламенті бекітілді.



Қарау саны: 893
Сақталған: 09.12.2022




Таратылымға жазылу

Сайттың саясаты
Сайт материалдарымен жұмыс жасаған кезде дереккөзге міндетті түрде гиперсілтеме жасай отырып, мәтінді пайдалануға рұқсат беріледі. Сайттың редакциясы мақалалар авторларының пікірімен әрқашан келісе бермейді.


     



©2020 Барлық құқықтар сақталған.




... күте тұрыңыз

Хорошая погода, не так ли?

Таратылымға жазылу


Операция сәтті аяқталды.



ҚАТЕ!