ERI қатысуымен

29.06.2022

Нұр-Сұлтанда Орталық Азия елдерінің тиімді өзара іс-қимылының перспективалары талқыланды

Бүгін Нұр-Сұлтанда "Жаңа геосаяси жағдайдағы Орталық Азия ынтымақтастығы: сын-тегеуріндер мен перспективалар" атты халықаралық конференция өтуде. Іс-шараны ҚР Президенті жанындағы Қазақстан стратегиялық зерттеулер институты Конрад Аденауэр атындағы қордың Қазақстандағы өкілдігінің қолдауымен ұйымдастырды.

Конференцияның күн тәртібі елдер кооперациясын одан әрі дамытудың өзекті мәселелеріне, оның ішінде сауда мен көлік коммуникацияларын дамыту, азық-түлік қауіпсіздігін қамтамасыз ету саласында тиімді түйісу нүктелерін айқындауға, сондай-ақ жаһандық сын-тегеуріндерді шешудің ортақ тәсілін тұжырымдауға арналған.


ҚР Президенті жанындағы ҚСЗИ директоры Еркін Тұқымов нақты мәселелер бойынша Орталық Азия елдерінің кооперациясын күшейту қажеттігін атап
өтті.

"Тәуелсіздіктің 30 жылы ішінде біздің елдеріміз арасында сенім мен өзара құрмет атмосферасы қалыптасты, ол ортақ мәселелерді бірлесіп шешуге және серіктестіктің жаңа жолдарын табуға дайындыққа негізделген", — деді Еркін Тұқымов  іс-шараны аша отырып.

ҚР Мемлекеттік кеңесшісі Ерлан Қарин, БҰҰ Бас хатшысының Орталық Азия бойынша арнайы өкілі – БҰҰ-ның Орталық Азиядағы превентивті дипломатия жөніндегі өңірлік орталығының басшысы Наталья Герман, Конрад Аденауэр атындағы қордың Қазақстандағы өкілдігінің директоры Йоханнес Д. Рай сәлемдесу сөзімен сөйледі.

 

"Экономикалық зерттеулер институты" АҚ (ERI) Басқарма төрағасының орынбасары Әлихан Абақанов "Орталық Азиядағы өңірлік кооперация мен ынтымақтастықтың перспективалары" атты конференцияның бірінші пленарлық сессиясына қатысты.

 

Әлихан Абақанов өз сөзінде Орталық Азия кооперациясының әлеуетті бағыттары мен салаларын атап өтті.

Олардың ішінде:

     1. Жаһандық және өңірлік құн құру тізбектері.

"Біздің өңірдегі құндылықтар тізбегі бірінші кезеңде азық-түлік, фармацевтика және энергетикалық қауіпсіздік тұрғысынан күшейтілуі мүмкін. Бұдан әрі Орталық Азия макроөңірі әрбір елдің бәсекелестік артықшылықтарын пайдалана отырып, инвесторларды тарту және кейіннен үшінші елдерге экспорттау үшін өзін бірыңғай тұғырнама ретінде танытуға әлеуеті бар", – деп түсіндірді ERI-дің Басқарма төрағасының орынбасары.

 

2. Жасыл даму. 

Спикердің айтуынша, Орталық Азия өңірі таза және климаттық бейтарап жаңартылатын энергия өндіру саласында әлеуетке ие.

 

"Бір өңір ретінде жұмыс істеуді жалғастыруға және шығарындылардың нөлдік таза деңгейі бар экономикаға көшуді қамтамасыз ететін саясатты жүргізуге, ЖЭК — ке инвестициялар тартуға, шығарындылар деңгейін төмендететін инновацияларды ынталандыруға мүмкіндік бар", - деп қосты Әлихан Абақанов.


     3. Цифрлық трансформация.

Спикер Орталық Азия елдері цифрлық экономика саласындағы ынтымақтастықты келесі жолмен дамытуы керек екенін атап өтті:

- цифрлық технологиялар саласындағы ынтымақтастық үшін өңірлік платформалар мен желілер құру;

- дәстүрлі салаларды түрлендіру үшін цифрлық технологияларды пайдалануға жәрдемдесу;

- ауыл шаруашылығында, өңдеу өнеркәсібінде және қызмет көрсету саласында цифрлық технологиялар деңгейін арттыру.

 

    4. Ғылыми-талдамалық кооперация.

"Ғылыми-зерттеу институтының өкілі ретінде мен құрылымдық реформаларды дайындаудағы ғылыми тәсілдің маңыздылығын түсінемін. Менің ойымша, біздің елдеріміздің ынтымақтастық бағыттары әлемдік нарықтардағы ағымдағы жағдайды ескере отырып, мұқият экономикалық есеп айырысуды талап етеді. Біз өз тарапымыздан бірлескен зерттеулер жүргізу үшін Орталық Азия Think Tank құру жөніндегі жұмысқа бастамашылық жасауға және оны өз мойнымызға алуға дайынбыз. Мұндай өзара іс-қимыл тәжірибесі ШЫҰ талдамалық орталықтары консорциумы аясында қазірдің өзінде бар", - деп қорытындылады ERI Басқарма төрағасының орынбасары Әлихан Абақанов.

 

Бірінші панельдік сессияның спикерлері қатарында Орталық Азия Халықаралық институтының (Өзбекстан) директоры Анвар Насиров, ҚР Сыртқы істер министрлігі Орталық Азия департаментінің директоры Ерлан Құбашев, Тәуекелдерді бағалау тобының директоры Досым Сатпаев, саясаттанушы, Crossroads – Central Asia қорының сарапшысы (Қырғызстан) Эмиль Джураев, Тәжікстан Республикасының Президенті жанындағы Стратегиялық зерттеулер орталығының Сыртқы саясатты талдау және болжау басқармасының бастығы Бахтиер Холиков бар.



Қарау саны: 3491
Сақталған: 02.03.2024




Таратылымға жазылу

Сайттың саясаты
Сайт материалдарымен жұмыс жасаған кезде дереккөзге міндетті түрде гиперсілтеме жасай отырып, мәтінді пайдалануға рұқсат беріледі. Сайттың редакциясы мақалалар авторларының пікірімен әрқашан келісе бермейді.


     



©2023 Барлық құқықтар сақталған.




... күте тұрыңыз

Хорошая погода, не так ли?

Таратылымға жазылу


Операция сәтті аяқталды.



ҚАТЕ!