Парижде бизнесті жауапты жүргізу мәселелері бойынша Ұлттық байланыс орталықтары желісінің кеңесі өтті

30.06.2023

2023 жылғы 20-21 маусымда Парижде (Франция) Кристин Кауфманның төрағалығымен, BIAC, TUAC және OECDWatch өкілдерінің қатысуымен бизнесті жауапты жүргізу (бұдан әрі - БЖЖ)  мәселелері бойынша Ұлттық байланыс орталықтары (бұдан әрі – ҰБО) желісінің кеңесі өтті.

Қазақстан ҰБО хатшылығының қызметкерлері («Экономикалық зерттеулер институты» АҚ (ERI) атынан онлайн форматта қатысты.

Күн тәртібінде БЖЖ мәселелері - «Нақты жағдайлардың тиімді және әсерлі шешімдерін қамтамасыз ету» (2022-2024 жж.) бойынша ҰБО-ны нығайту жөніндегі іс-қимыл жоспарының үшінші міндетіне қол жеткізу мәселесі болды.

ҰБО хатшылығы әрі қарай жұмыс істеудің және ұзақ мерзімді мақсаттарға қол жеткізудің келесідей негізгі бағыттарын атап өтті:
  • Негізгі тиімділік критерийлердің көмегімен функционалдық эквиваленттілікті анықтау;
  • Адами және қаржы ресурстар;
  • Мүдделі тараптардың сенімі;
  • Жұмыс істемейтін ҰБО жағдайларын шешу тетігі;
  • Міндетті мерзімді сараптамалық бағалаулар.

Қорытынды мәлімдемелердегі талдауды, қорытындыларды, анықтамаларды және ұсынымдарды қолдауды қоса алғанда, ҰБО үшін игі қызметтер көрсету кезеңінде проблемаларды шешуді жақсартудың маңыздылығы атап өтілді. Елдердің ҰБО өз тәжірибесімен бөлісті, сондай-ақ Басшылықтың жобасы бойынша түсініктемелер берді.

ҰБО үшін оқыту шеңберінде Хатшылық ҰБО-мен ынтымақтастықта ҰБО-ның жаңа лауазымды тұлғаларын бейімдеу үшін, сондай-ақ мандат туралы ақпарат қоймасы ретінде пайдаланылатын онлайн-құрал әзірленді.
 
Бұдан басқа, PeaceNexus қорының және омбудсменді сақтау жөніндегі кеңесшінің (CAO) тұсаукесері ұсынылды, оның шеңберінде проблемалық мәселелерді шешуде неғұрлым тиімді көмек көрсету мақсатында делдалдық пен жанжалдарды шешуден алынған фактілерді анықтау бойынша тәжірибе алмасу және бірлескен сабақтар өткізу жөнінде ұсыныстар айтылды.

Берілген сессия 2022 жылдың маусым айында басталған игі қызмет көрсету саласындағы әлеуетті арттыру бағдарламасының соңғы кезеңі болды.

Анықтама: PeaceNexus - тұрақсыз елдерде жұмыс істегенде үлкен оң әсер көрсететін ұйымдарды қолдайтын, 2009 жылы құрылған жеке қор. Қор Женевада, Оңтүстік-Шығыс Азияда, Орталық Азияда, Батыс Африкада және Батыс Балқанда орналасатын 30 адамнан тұратын командадан тұрады.




Қарау саны: 900
Сақталған: 28.02.2024




Таратылымға жазылу

Сайттың саясаты
Сайт материалдарымен жұмыс жасаған кезде дереккөзге міндетті түрде гиперсілтеме жасай отырып, мәтінді пайдалануға рұқсат беріледі. Сайттың редакциясы мақалалар авторларының пікірімен әрқашан келісе бермейді.


     



©2023 Барлық құқықтар сақталған.




... күте тұрыңыз

Хорошая погода, не так ли?

Таратылымға жазылу


Операция сәтті аяқталды.



ҚАТЕ!