"Спутник V" вакцинациясы

19.01.2021

1 ақпанға қарай Қазақстанда коронавирустық инфекцияға қарсы вакцинациялауды бастау жоспарланып отыр.

"Мемлекет басшысының коронавирустық инфекцияға қарсы вакцинацияны жеделдетіп бастау жөніндегі тапсырмасын іске асыру мақсатында мынадай жұмыстар жүргізілуде: 2021 жылғы 19 қаңтарда Қарағанды Фармкешені мен Ресей тікелей инвестициялар қоры арасында "Спутник V" вакцинасының 20 мың дозасының бірінші партиясын жеткізуге арналған шартқа қол қою жоспарлануда. 20 қаңтарда арнайы тәртіп бойынша сатып алуды өткізу үшін СК Фармацияға осы хаттарды бір реттік әкелуге рұқсат беру жоспарлануда", - деп хабарлады ҚР Денсаулық сақтау министрі Алексей Цой Үкімет отырысы барысында.

Мекеме басшысы бұдан әрі 1 ақпанға қарай халықтың тиісті топтарына коронавирустық инфекцияға қарсы вакцинациялауды бастау жоспарланғанын хабарлады. Министр вакциналау вакцинаның келіп түсуін ескере отырып, кезең-кезеңімен жүзеге асырылатынын атап өтті. "Бұл ретте контингенттер мынадай түрде бөлінді: бірінші кезеңде инфекциялық ауруханалардың, жедел медициналық көмектің, реанимация, АМСК бөлімшелерінің, қабылдау бөлмелерінің медицина қызметкерлері, санэпидқызмет қызметкерлері - 2021 жылғы 1 ақпаннан бастап шамамен жүз мың адам вакцинациялауға жатады. Екінші кезеңде: жалпы білім беретін мектептердің педагогтері, ЖОО - лар, медициналық қызмет қызметкерлері-ағымдағы жылдың наурыз айынан бастап шамамен 150 мың адам. Үшінші кезеңде мектеп-интернаттардың, мектепке дейінгі мекемелердің педагогтары, студенттер, созылмалы аурулары бар адамдар – сәуір айынан бастап 600 мың адам", - деді Денсаулық сақтау министрлігінің басшысы. Осылайша, А.Цойдың хабарлауынша жыл соңына дейін 6 млн қазақстандыққа вакцина егу жоспарлануда.

Ресейде 31 қаңтардан бастап вакцинацияға тегін жазылуға болатынын атап кеткен жөн. Көктемде ресейліктер тағы екі отандық вакцинамен егіле бастайды: «Вектор» Новосибирск орталығының вакцинасы және ақпан айында тіркелуі тиіс Чумаков атындағы Орталықтың дәрі-дәрмегі.


Қарау саны: 616
Сақталған: 19.01.2021




Таратылымға жазылу

Сайттың саясаты
Сайт материалдарымен жұмыс жасаған кезде дереккөзге міндетті түрде гиперсілтеме жасай отырып, мәтінді пайдалануға рұқсат беріледі. Сайттың редакциясы мақалалар авторларының пікірімен әрқашан келісе бермейді.


     



©2020 Барлық құқықтар сақталған.




... күте тұрыңыз

Хорошая погода, не так ли?

Таратылымға жазылу


Операция сәтті аяқталды.



ҚАТЕ!